General Santos City–Gikabutyag ni Napolcom Commissioner Ret. P/MGen Felizardo Serapio Jr. nga sila sa National Police Commission ang gina-estudyohan na nga mas pataas-an pa ang retention salary sa mga pulis kon take home pay nila.
Sumala pa ni Serapio nga aduna nay gibuhat nga aksyon ang Napolcom kabahin niini ug gani nakig-estorya na sila sa finance sa PNP aron nga mapugngan ang mga pulis nga mag sige ug loan rason nga wala nay mabilin sa ilang sweldo.
Sa karon gikinahanglan matud pa nila nga makamugna ug polisiya kabahin na niini aron nga mapugos ang mga pulis nga dili magpataka ug loan, dugang pa ni Serapio nga kaniadto adunay mga pulis nga iua ka libo nalang ang madawat matag sweldo tungod kay nahurot na sa deduction sa loan.
Mao matud pa gipataas-an ni President Rodrigo Duterte ang sweldo sa mga pulis aron nga mas dako ang mauli nila nga sweldo sa ilahang pamilya apan dili matud pa kini mabatyahgan sa mga nasangpit kung nahurot na ang ilahang sweldo sa loan nga posible matud pang mosangpot ngadto sa pagpangutong.(Dave Silagan)
