Davao City – Walay gihimo nga imbestigasyon ang kapulisan bahin sa giingong leakage sa NAPOLCOM entrance and promotion exam sa 38 ka mga Police Officer (PO) 1 nahitabo niadtong adlaw’ng Domingo, Oktubre 21.
Kini maoy gitino ni Police Regional Office 11 (PRO-XI) spokesperson Jason Baria kinsa miingon nga ang National Police Commission (NAPOLCOM) ang maoy naglusad og imbestigasyon gumikan kini mismo ang nag facilitate sa maong exam.
Saysay ni Baria nga gipablotter lang ang maong panghitabo alang sa record purposes ug kung galling aduna may pagpasaka og kaso, didto na nila kini mabuhatan og report.
Sa pagkakaron, hulaton na lamang sa PRO-XI ang hukom sa NAPOLCOM ngadto sa 38 ka mga opisyales nga matud pa nanikas.
“Hindi taga Davao region ito kundi sa ibang region so kung ano man ang judgement ng NAPOLCOM we will implement it also,” segun sa tigpamaba sa PRO-XI.
RadyoMaN Jason Amisola
