Davao City – Nadakpan sa kapolisan San Pedro Pnp ang napulo ka mga tao human nga nagdula og baraha kun piyat-piyat atol sa gilusad sa kapolisan nga Anti Illegal Gambling Operation natigayon alas 5:55 sa kahaponon didto sa Barangay 76-A Bucana syudad sa Davao.
Sa report gikan sa kapolisan sa San Pedro ang mga dinakpan naila sa pangalan nga mao sila Myrna Racho 58 anyos, Coco Deloso 36 anyos, Dodong Clarde 35 anyos,Jocris Margate 27 anyos,Oscar Cabrera 65 anyos, Jayson Atuel 35 anyos, Roldan Obemio 26 anyos, Loreto Asares 22 anyos, Reynato Elesis 48 anyos ug Jupitor Margate 24 anyos pulos nagpuyo sa Barangay 40-D.
Matud pa sa dihang gilusad ang operasyon sa kapulisan naaktuhan ang mga dinakpan nga nagtapok ug nagsugal. Nakuha sa ilang posisyon ang bet money nga mukantidad og kapin 300.00 pesos lakip nakuha ang usa ka set nga baraha.
Sa karon gikustodiya na sa kapolisan ang mga ebidensiya gikan sa mga nadakpan samtang ang napulo ka mga suspek balhug na sa prisohan.
Mag-atubang og kasong kalapasan sa Presidential Decree 1602 ang mga dinakpan.
RadyoMaN Don Pulayao
