Davao City – Napulo ka mga drug pusher ang nadakpan sa kapulisan sa San Pedro atol sa ilang gilusad nga buy bust operation alang sa bulan nga Marso ug Abril.
Sa maong datus upat ka mga pusher ang nasikop alang sa bulan nga Marso samtang unom usab ka mga tigpayuhot og iligal nga droga ang ilang gi aresto alang karong bulan.
Sumala ni Police Officer 2 Yvon Balais ang Crime Registrar sa San Pedro PNP nga ang napulo ka mga nasikop napasakahan na og kasong kalapasan RA. 9165 kon Comprehensive Dangerous Drugs Act of 2002.
Gawas niini, nagpahigayon usab og unom ka operasyon nga Oplan Kalinaw ang San Pedro PNP alang sa bulan sa Marso ug Abril samtang lima na usab ka operasyon ang ilang gipahigayon alang sa Oplan Lambat Bitag Sasakyan.
RadyoMaN Don Pulayao
