South Cotabato – angol ang usa ka pulis human nga napusilan sa lalaking nanghasi didto sa Sitio Bampoy, Barangay Lampitak, Tampakan, South Cotabato niadtong Sabado sa gabie.
Giila nag biktima nga si SPO1 Leon Siringan, nga nakabase sa Tampakan Municipal Police Station. Subay sa tala sa Tampakan PNP nasayran nga una nang mireport ang mga concerned Citizen ngadto kang Barangay Kagawad Lando Sen, human nga nanghasi matud pa ang usa ka lalaking nailang si Ricardo Taca.
Ang opisyal sa barangay gilayong mireport sa buhatan sa kapulisan diin si Siringan maoy mirespondi aron unta uwangon ang nanghasing suspek, apan pag abot sa lugar gilayon kining gipusil sa suspek igo sa iyang tiyan nga bahin.
Paspas nga misibat ang suspetsado sa wala sayring lugar samtang ang biktima gilayon nga gidala sa ospital ug kasamtangan na karon nga gipailawom sa obserbasyon.
Sa karon ginaandam na ang pagpasang-at ug kaso batok sa suspek pinaagi sa Regular filing human pakyas ang awtoridad nga kini masikop human niyang nahimo ang krimen.
