Narekober nga druga sa buy bust operation sa banwa sang Ivisan, naghalin sa Metro Manila!

71

Roxas City, Capiz – Ginbuyagyag ni Capiz PPO Provincial Director Col Julio Gustilo Jr nga nagikan sa bahin sang Metro Manila ang stocks nga druga nga narekober sa tatlo ka mga drug suspect nga nagkaladakpan sa banwa sang Ivisan sang nakaligad nga semana.
Ini ang nagguha sa ginpatigayon nila nga validation kag pagtutok sa nasambitan nga kaso kun sa diin ini ang ginadala gid lamang pinaagi sa courrier.
Samtang nahibaluan nga nagalab-ot sa kapin 2.3 million pesos ang balor sang shabu nga narekober sa mga suspek nga nakilala kanday Jon Jon Lima, 38- anyos kag Jean Francis Lima, 34 anyos kasubong man si German Bolarde, 49 anyos nga lunsay mga residente sang Barangay Poblacion Norte, Ivisan, Capiz.
May kaangut sini, ginpasalamatan ni Gustilo ang bulig sang kapulisan pinaagi sa masangkaron nga intelligence gathering agud nga nangin madinalag-on ang amu nga operasyon.


Facebook Comments