General Santos City—Narekober sa kapulisan nga sakop sa Glan Municipal Police Station ang mukabat sa 1000 Board feet nga ginabas nga lubi sa may Barangay Kalabanit, Glan Sarangani, Province.
Una nang nakadawat ug report Glan Municipal Police Station nga adunay nakaplagang mga ginabas nga Coco Lumber sa may Nucos Compound, Barangay Kalabanit, sa lungsod sa Glan mao nga ilang girespondihan.
Pag-abot sa lugar didto nasuta nga positibo ang maong report. Tungod walay miangkon niini gidala sa kapulisan ngadto sa ilang buhatan ang maong mga Coco lumber. Sa karon ginaimbistigahan pa sa kapulisan kung si kinsa ang nanag-iya sa maong mga ginabas nga lubi.
Facebook Comments
