South Cotabato—-Malampuosng narekober sa awtoridad ang kinawat nga motorsiklo human nga nabalintong matud pa ang suspetsadong responsabli sa pagdagit niini didto sa Koronadal City.
Sa inisyal nga imbistigasyon sa Koranadal City PNP nasuta nga girespondihan sa mga Barangay tanod sa Barangay GPS, Koronadal ang nahitabong disgrasya sa kadalangan sa may Green Oil Gasoline Station nga nahimutang sa highway sa maong barangay.
Gilayon nga gidala sa ospital ang driver nga gituohang minor de edad apan namugos kining mugawas gilayon.
Pag respondi sa kapulisan nasayran nalang nga mao kini ang motorsiklong gipanag-iyahan sa usa ka Sanny Jay Lim, 22-anyos kansa una nang gikawat sa wala mailhing suspek.
Sa karon nagpadayon ang gihimong imbistigasyon kalabutan sa maong insidenti.
