Davao City – Personal nga gitunol ni Police Regional Office (PRO) 11 Regional Director Brig. Gen. Marcelo Morales kang Police Corporal Joel Villegas ang Medalya ng Sugatang Magiting sulod sa kwarto niini nga gipaaliman sa Southern Philippines Medical Center (SPMC).
Kini human nasamdan atol sa operasyon batok sa usa ka suspek si Villegas nga si Basilio Abrigoso kansang dunay standing warrant of arrest sa kasong homicide nahitabo sa may Sitio Mahayag Gatungan Bunawan niadtong adlaw’ng Sabado, Setyembre 14, 2019.
Sabay sa pasidungog ang pagsiguro ni Morales sa pagproseso sa promotion gikan PO2 ngadto sa PO3 nga ranggo gani prayoridad si Villegas nga malakip usab sa skills and promotion training sa PRO-XI.
Gawas niini, hatagan usab og financial assistance sa PNP ang pamilya sa pulis ingon man usab scholarship program.
Sa inisyal nga imbestigasyon sa kapulisan, migula nga gipahunong ang suspetsado ug igsoon niini aron malinawong i-serve ang warrant of arrest apan inay mohumong mihulbot og pusil ang suspetsado sakay sa motorsiklo dayon pabuto tumong sa awtoridad gani nakahiagom og tulo ka samad-pinusilan si Villegas kansang nangulo sa moang operasyon.
Miresulta ang maong operasyon sa kamatayon sa suspetsado ug pagkasikop sa igsoon niining si Rogelio Abrigoso kansang mag-atubang karon og kasong frustrated murder ug obstruction of justice.
RadyoMaN Jason Amisola
