Nadagdagan naman ng anim ang mga nasawi sa lungsod ng Mandaluyong ng dahil Coronavirus Disease 2019 o COVID-19.
Ito ay batay sa pinakabagong tala kahapon ng alas-5:00 ng hapon ng City Health Office o CHO ng lungsod.
Sa kabuuan, umabot na ng 24 ang bilang ng mga nasawi ng nasabing lungsod dulot ng virus, kung saan 15 nito ay COVID-19 positive at ang siyam naman ay mga Persons Under Investigation o PUI.
Sa nakalipas naman na 24 oras, ang Mandaluyong CHO ay nakapagtala naman labing limang bagong kaso ng nasabing virus.
Kung saan umabot na ang kabuuang bilang ng kaso ng COVID-19 sa lungsod ng 121.
Sa kasalukyang tala ng CHO ng Mandaluyong, ang Person Under Monitoring ay nasa 324 na at ang PUI naman ay umabot na sa 317.
Facebook Comments
