Ang 58-year old nga si Gilbert Bargayo dali nga gidala sa Tuburan District Hospital sa dihang mikusog og kalit ang pag-awas sa dugo sa tuong kamot niini atol sa pagpalansang niini sa krus sa lungsod sa Tuburan, Cebu.
Atol sa Good Friday kagahapon, Marso 30, gatusan ka mga lumulopyo sa lungsod sa Tuburan ang nakasaksi sa aksidenteng nahitabo ni Bargayo. Sa dihang gidala siya sa tambalanan mitug-an siya nga mao kuno ni ang labing una nga aksidente nga iyang nasugatan sukad sa 25 ka tuig na niyang pagpalansang.
Suma pa sa mga report, hapit mo 1 ka oras nga nipahuway si Bargayo sa maong tambalanan ug mibalik rapud sa normal ang blood pressure niini gikan sa 180/100 ngadto sa 130/80.
Ingon pud ni Bargayo nga nasayop kuno ang iyang tawo sa pag-igo sa lansang sa iyang tuo nga palad. Apan sa pagkakaron maayo na ang kahimtang ni Bargayo.
DOH warns
Sa pipila pa ka adlaw sa wa pa ang semana santa naghatag na og warning ang DOH nga likayan gyud ang pagpalansang sa krus ug uban pang klase sa penetensiya tungod sa risgo niini sa panglawas.
Apan sama ni Bargayo pabilin gihapon ang tradisyon sa pagpalansang sa krus sa daghang bahin sa nasud.
