General Santos City- Moabot sa 25 mil ka pesos ang nahimong damyos sa pagkasunog sa usa ka compound kagahapong adlawa sa may Salazar St. Barangay South ning syudad sa General Santos.
Nasayran nga gilangkuban sa 3 ka mga panimalay ang apektado sa maong sunog.
Sumala pa ni SF02 Allan Rey Imperio, ang imbestigador sa Bureau of Fire Protection Gensan nga tungod nga gama sa light materials ang maong mga panimalay dali kini mikatag og gilamoy ang usa niini.
Padayon man usab karon ang ginahimong imbestigasyon sa BFP-GENSAN kung unsa ba gyud ang hinungdan sa maong sunog.
Samtang mipasalig man usab ang kapitan sa may Barangay South nga si Kapitan Rock Garay nga mohatag og ayuda ang Barangay alang sa mga nabiktima.
Sumala pa niini nga inisyal nga gihatag sa barangay mao ang pagkaon sa tulo ka mga panimalay nga nasunugan.
Andam matud pa ang barangay alang sa ilahang temporaryong kapuy-an apan midumili matud pa ang mga biktima tungod sa ilahang kabanay nalang una sila mipuyo.
