Dumalag, Capiz – Naglab-ot sa kapin P50,000 ang nangin kahalitan sa pagkasunog sang isa ka balay sa Barangay Concepcion, Dumalag, Capiz.
Sa impormasyon nagikan sa Dumalag Fire Station, totally burned ang balay nga ginapanag-iyahan ni Victorio Fabraquel 55-anyos sang nasambit nga lugar.
Nahibaluan nga wala sang tawo ang balay ni Fabraquel bangud naglakat sila nga mag-asawa.
Nakibot na lamang ang mga kalapit nga nagakalayo na ang balay ni Fabraquel.
Bangud human sa light materials ang nasambit nga balay, madasig ini nga gintupok sang kalayo.
Kalakip sa mga nasunog ang 36 ka sako sang palay kag mga kagamitan.
Base sa imbestigasyon sang BFP, napabayaan nga saksakan ang gintunaan sang sunog.
(Photo from Dumalag MDRRMO)
Facebook Comments
