Roxas City, Capiz – Wala gid matalupangdan sang pila ka mga persona nga ginkawat na ang ila kwarta samtang nagasimba sa Roxas City Metropolitan Cathedral kadungan sang kapiyestahan sang syudad.
Base sa record sang Roxas City PNP, nagpalab-ot sang reklamo ang mga biktima nga sanday, Monica Almoguerra, 28-anyos sang Barangay Maninang, Sapian, Capiz nga ginkawatan sang P2,500 kag P1,150 naman ang nakuha kay Fernando Garcia Jr.
Ginkawatan man si Mary Jane de Jaime, 35-anyos nga taga- Barangay 9, syudad sang Roxas, naglab-ot naman sa kapin P15,000 ang nadula nga kwarta nga nasulod sa iya pouch.
Suno sa ila nga wala nila matalupangdan nga ginkawat na ang ila mga kahita samtang yara sila sa simbahan bangud sa tuman nga kagutok.
Padayon pa ang imbestigasyon sang kapulisan agud mahibaluan ang identity sang mga suspek.
Sa madumduman nga nagsaulod sang kapyestahan ni Immaculada Concepcion ang syudad sang Roxas kahapon, December 8, 2017.
(Photo from Capiz Aksyon News Center)
