BACOLOD CITY – Sa basketball court karon naga-tiner ang mga apektado nga pamilya sang 6 ka puluy-an nga gintupok sang kalayo kahapon sang aga sa Brgy. 16, ciudad sang Bacolod.
Ginpahayag sang Bacolod Bureau of Fire Protection, pasado las 9 kahapon sang aga, nagluntad ang sunog sa Purok Punay, Brgy. 16 kon diin tatlo ka mga balay ang totally gutted by fire kag tatlo naman ang partially damaged.
Ang amo nga mga balay ang ginapanag-iyahan nanday Evangeline Bancaya, Rebecca Espillo kag Concepcion Robles.
Samtang, ang mga partially damaged naman nga mga balay ang ginapanag-iyahan nanday Eduardo Robles, Arlyn Sitchon kag Richard Vargas.
Base sa inisyal nga imbestigation sang BFP, nagsugod ang kalayo sa ikaduha nga panalgan sang balay ni Espillo kag faulty electrical wiring naman ang rason sang amo nga sunog./dyHB BACOLOD
