Giangkon sa Armed Forces of the Philippines (AFP) na ang mga miyembro sa Philippine Army ang unang nagpabuto ngadto sa mga pulis sa nahitabong misencounter sa Santa Rita, Samar matod kay 8th Infantry Division commander Major General Raul Farnacio.
Anaa matod pa sa mas taas nga lugar ang mga sundalo dihang nahitabo ang enkwentro tungod naalaan nga rebeldeng pundok ang mga pulis human wala dayon mapansin ang ilang uniporme nga napuno na og lapok.
Dugang ni Gen. Farnacio nga adunay koordinasyon sa Citizen Armed Force Geographical Unit ang mga sakop sa Philippine National Police bag-o gisulod ang maong lugar.
Gisiguro sad karon sa armadong kusog nga ilang sayron kung ngano wala nakaabot sa mga tropa sa militar nga nag-operate sa lugar ang koordinasyon sa PNP ug CAFGU nga posibleng hinungdan matod pa ang mga radyo sa duha ka unit nga dili compatible.
Patay sa 20 minutong misencounter ang 6 nga pulis mao silang Police Officer 1 Wyndell Noromor, PO1 Edwin Ebrado, PO1 Phil Rey Mendigo, PO1 Julius Suarez, PO1 Rowell Reyes og PO1 Julie Escalo.
