Kini isip tipik ug kabahin sa maong ahensya nga Task Force Balik-Loob (TFBL), ug mando sa pagsunod sa Enhanced Comprehensive Local Integration Program (E-CLIP).
Nasayran pinaagi sa “Balik-Loob sa Pagbabago,” program giklaro ni NHA General Manager (GM) Marcellino Escalada, Jr., ang kamahinongdanon sa paggahin sa mga housing assistance sa mga kanhi NPA para sa hingpit nilang pakigdoyog sa komonidad ug pag talikod sa kalihokan nga nakigbatok sa gobyerno.
Dugang pa niini nga ang paggahin sa mga kabalayan makadugang kini sa dignidad sa kinabuhi sa usa ka kanhi NPA nga maghatag proteksyon ngadto kanila ug kinabuhi nga lahi sa naandan nila sa panahon nga anaa pa sila sa kalihokan batok sa gobyerno.
Nasayran basi usab sa mga pamahayag sa mga kanhi NPA nga nakakuha na sa maong programa nga dako kining tabang para malikay nga makabig sa walhong kalihokan ang mga katawhan partikolar na ang mga lumad sa hilit nga mga dapit.
