Maaari nang gamitin ng mga senior citizen sa Rehiyon Uno ang Philippine Identification System (PhilSys) bilang pangunahing ID sa pagtanggap ng social pension simula Abril 1, ayon sa Department of Social Welfare and Development (DSWD) Field Office 1.
Ayon sa DSWD, bahagi ito ng pagsusumikap ng pambansang pamahalaan na i-modernize ang serbisyo publiko at matiyak na ang mga mahihinang senior citizen ay makatanggap ng napapanahon at ligtas na tulong-pinansyal.
Hinikayat ng DSWD ang lahat ng kwalipikadong benepisyaryo sa Ilocos Region na magparehistro sa pinakamalapit na opisina ng Philippine Statistics Authority (PSA).
Upang mapadali ang enrollment, magsasagawa ang DSWD at PSA ng on-site PhilSys registration kasabay ng nakatakdang pension payouts.
Para sa mga bedridden na benepisyaryo, magbibigay ang PSA ng home visits upang makumpleto ang kanilang rehistrasyon, tinitiyak na walang senior citizen ang maiwan.
Tiniyak naman ng DSWD Region 1 ang nagpapatuloy na koordinasyon sa PSA upang mapadali at mapalapit ang registration para sa National ID sa mga senior citizen na benepisyaryo. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
