Davao City – Walay angayang ikabalaka sa National Identification (ID) System tungod kay makatabang kini sa mga walay ID ilabi na kung adunay mga transaksyones sa gobyerno.
Nagtoo si Department of Interior and Local Government (DILG-XI) Regional Director Alex Roldan nga dili ibutang sa maong ID ang ubang mga records sama sa medical ug uban pa kon dili mga personal data lamang sama sa SSS, PAGIBIG, Philhealth ug uban pa.
Matud ni Roldan, ang nakaayo niini kay dili na kinahanglan magdala pa og daghang mga ID ilabi na kung dunay mga transaksyon diha sa mga ahensya sa kagamhanan.
Samtang giklaro usab ni Roldan nga dili kini makasulbad sa bisan unsang kriminalidad tungod kay ang tawong mohimo sa krimen wala magkinahanglan sa ID.
Gitataw usab sa director sa DILG-XI nga dili kini hulga sa personal nga seguridad basta dili lang i-publikar ang mga impormasyon sulod niini.
RadyoMaN Bernard Pantallon
