Gibarugan sa Malacañang nga dili maghatag ug public apology si Pangulong Rodrigo Duterte human niyang gibugal-bugalan ang Ginuo hilabi na ang mga Katoliko.
Kini ang nahimong tubag sa Malacañang sa panawagan ni Bro. Eddie Villanueva, founder sa Jesus is Lord movement nga angayang magpublic apology si Pangulong Duterte gumikan sa gihimo niining matang sa “blasphemy”.
Gibutyag ni Presidential Spokesman Harry Roque, dili siya uyon sa panawagan ni Bro. Eddie tungod sumala pa nga dili mag-demand ang Ginuo ug public apology o pagpangayog pasaylo.
Nasayran nga kagahapon sa hapon, nagsugod na ang pakigdayalogo sa komitebang gimugna ni Pangulong Duterte nga gitahasan sa pagkigdayalogo sa mga religious sector gumikan sa kontrobersyal nga ‘stupid God’ remark ‘ sa pangulo.
