Gikatakdang pagasugdan sa Hunyo 17 sa Department of Interior and Local Government kon DILG ang FEDERALISM ROADSHOW kon nasudnon nga panaghisgot bahin sa planong pagbag-o sa konstitusyon sa Pilipinas.
Sa syudad sa Dumaguete gikatakdang ipahigayon ang unang serye sa hisgutanang Pederalismo.
Pagasundan kini sa sunod sunod nga rally ug pagbansay nga gikatakda sa Butuan ug Legazpi sa Hunyo 21 ngadto na sa 23. Samtang Hunyo 25 ngadto na sa 27 usab pagahimuon sa syudad sa Baguio ugTacloban.
Sumala ni DILG Assistant Secretary ug Spokesperson Jonathan Malaya, usa sa mga highlight sa roadshow mao ang Regional Consultation nga pangunahan sa Consultative Committee kung asa dinhi ipakita ang inisyal nga namugnang draft sa Pederalismo ug dungan niini mao ang pagpangalap pa ug dugang mga impormasyon gikan sa mga nagkadaiyang rehiyon sa nasud Pilipinas.
