Gideklarang Special Non-Working Day ni Pangulong Rodrigo Duterte ang May 14, 2018 sa tibuok nasud dungan sa Barangay ug Sanguniang Kabataan Election.
Ang Proclamation No. 479 una nang gipermahan ni Pangulong Rodrigo Duterte kagahapong adlawa Mayo 2, 2018.
Tumong sa pagdeklara ug Special Non-Working Day aron mahatagan ug higayon ang katawhan sa nasud nga makabuto atol sa Barangay ug SK election.
Nasayran nga subay sa balaod sa Department Of Labor and Employment (DOLE) nga ang mga empleyado nga dili mutrabaho sa adlaw nga gideklarang special non-working day ang maigo sa no work, no pay policy gawas lang kung adunay polisiya ang kumpanya sama nalang sa Collective bargaining Agreement (CBA).
Apan alang sa mga mutrabaho sa maong adlaw, adunay 30 porsyento nga dungag sa inadlaw nga suhulan sa unang walo niini ka oras nga trabaho.
