Posibling adunay kalabutan sa Shame Campaign nga gipatuman ni Tanauan, Batangas Mayor Antonio Halili ang usa sa mga motibo sa pagpusil patay kaniya atol sa ilang Flag Raising Ceremony kagahapong sa buntag.
Sumala ni PNP chief Dir. Gen. Oscar Albayalde, nga gikonsidera matud pa sa ilang lugar si Halili nga “walk of shame” mayor tungod sa iyang kampanya batok droga diin iyang ginaparada ang mga madakpang drug suspeks.
Sa karon adunay nay gimugnang Special Taskforce ang PNP sa regional Leval kansa maoy gitahasang muimbistiga kalabutan sa pagpatay kang Mayor Halili.
Kahinumduman nga samtang gihimo ang flag raising ceremony, kalit gipusil sa wala mailhing suspek ang mayor igo sa iyang dughan, nakadagan pa kini apan nahagba gihapon. Nadala pa sa ospital ang mayor apan gideklara na kining dead on arrival.
