Manila, Philippines – Target karon sa Technical Education and Skills Development Authority o TESDA nga maghatag ug dugang training para sa mga kanhing rebelde.
Sumala kang TESDA Director General Isidro Lapeña, tumong niini aron nga mapakusgan pa ang mga capacity-building programs sa gobyerno.
Partikular nga tutukan sa TESDA ang mga rebelde nga misurender gikan sa Batangas, Bohol ug Masbate.
Sumala kang TESDA Deputy Director General Gaspar Gayona, lauman nga mas daghang ayuda alang sa mga kanhing rebelde uban ang ahensya sa National Task Force to End Local Communist Armed Conflict (NTF-ELCAC).
Kalabot niini, 100 ka kanhing rebelde ug ilang mga dependents ang nakatakdang mopailawom sa training program sa Bohol sugod sa March 11. Base sa datus sa TESDA, mukabat na sa kinatibuk-ang 972 ang misuredner nga rebelde niadtong tuig 2018.
