Andam atubangon ni Ombudsman Conchita Carpio-Morales ang posibleng mga batikos kaniya dungan sa imbestigasyon sa iyang buhatan sa mga gitanggal nga mga opisyal ni Pangulong Rodrigo Duterte.
Sumala ni Morales nga usa si Tourism Sec. Wanda Teo sa mga gipailawom sa pagsusi sa anti-graft body samtang tak-om kini bahin sa kaso ni Deputy Ombudsman Melchor Carandang ug Solicitor General Jose Calida.
Gihingusgan sa ombudsman nga dapat tutukan sa kagamhanan ang kampanya kontra korapsyon tungod kumbinsido kining nagpadayon pa gihapon ang sistema niini sa gobyerno luyo pa man nga duna nay mga opisyal nga nasilotan.
Giangkon hinuon ni Ombudsman Morales nga nasakitan siya sa mga nahimong pahayag ni Pangulong Duterte batok kaniya ingon man ang mga bahad nga impeachment kaniya sa mga tagasuporta ni Pangulong Duterte.
(Photo From web)
