Kumpyansa ang Malakanyang nga dili makaapekto sa imahe sa Pilipinas sa International Community ang pagkalas niini sa International Criminal Court. Gibutyag ni Presidential Spokesman Harry Roque, kung walay nahimong epekto sa imahe sa mga nasud Amerika, Russia ug China ang dili nila pagkamyembro sa ICC, sigurado matud pa nga wala usab kini epekto sa international image sa Pilipinas ang nahimong lakang ni Pangulong Rodrigo Duterte. Kini matud pa ni Roque ang hinungdan kung nganong wala sila mabalaka nga dunay dakong epekto kini sa nasud, inay nagtoo silang mas dako nga kawad-on sa ICC ang paghawa sa Pilipinas sa Rome Statute. (Photo From Web)
Facebook Comments
