Wala pay plano ang Philippine Drug Enforcement Agency o PDEA nga sugdan na ang validation sa mga artistang apil sa ilang drug watchlist.
Sumala kang PDEA Director General Aaron Aquino, anaa sa 60,000 ka personalidad ang anaa sa ilang watchlist gawas pa ang narco-list ni Pangulong Rodrigo Duterte.
Dugang pa niini nga prayoridad sa PDEA karon ang pag-validate sa nahibiling narco politician nga wala pa napangalanan sa Pangulo.
Matud pa ni Aquino, mas buot niyang magtrabaho ug hilom ug kasuhan na lang ang mga lambigit sa ilegal nga droga kaysa pangalanan ang mga nasampit.
Nagtuo usab si Aquino nga bisan dili mapangalanan gipaniguro usab niyang madakpan gihapon ang mga artistang lambigit sa ilegal nga droga.
Facebook Comments
