Gianunsyu ni Presidential Adviser on the Peace Process Jesus Dureza nga dili una ihinayon ang planong resumption o pagbalik sa peace negotiations tali sa Communist Party of the Philippines-New People’s Army (CPP-NPA) karOng umaabot nga June 28, 2018.
Gibutyag ni Dureza nga una nang gimando ni Pangulong Rodrigo Duterte nga magpahigayon una ug konsultasyon sa publiko ug uban pang mga stakeholders ayha mubalik sa negotiating table.
Dugang pa ni Sec. Dureza, nga naabisohan na ang pikas kampo ingon man ang Norwegian government kansa maoy third party facilitator kalabutan sa desisyon sa gobyerno sa nasud Pilipinas nga isibog ang pagresume sa hinabing pangkalinaw.
Dili usab mabutyag ni Dureza kung kanus-a mahuman ang public consultation ug nganong nagbaton ug samang desisyon si Pangulong Rodrigo Duterte.
