Gihagit sa grupong Kilusang Mayo Uno (KMU) pinaagi ni Spokesperson Sammy Malunes si Pangulong Rodrigo Duterte nga ipatuman ang ang kamay na bakal aron mapaubsan ang presyo sa mga nag-unang palaliton ug ang pagpaundang sa kontrakwalisasyon sa nasud.
Sa gihimong forum sa kauluhan gibutyag ni Malunes nga dismayado ang KMU tungod wala gyud nabati sa katawhang kabus ug mga mamumuo ang pag-ubos sa presyo sa mga nag-unang palaliton gumikan sa padayong pagtaas niini.
Gipasabot pa ni Malunes nga naghitak gihapon matud pa ang kontrakwalisasyon ug wala usab ngipon ang Executive Order (EO) ni pangulong Duterte kalabutan sa kontrakwalisasyon.
Giit ni Malunes nga karong 2019 angayan lang nga mahan-ay na ni Pangulong Duterte ang programa alang mga mamumuo hilabi na sa hisgutanang kontrakwalisasyon nga hangtod karon matud pa wala pa gyud nahatagan ug kasulbaran sa gobyerno.
