Nadawat na sa Office of the Executive Secretary ang short list sa Judicial and Bar Council alang sa pilian ni Pangulong Rodrigo Duterte nga musunod nga Chief Justice sa Supreme Court.
Alas-dos sa hapon kagahapong adlawa nakaabot sa buhatan ni Executive Secretary Salvador Medialdea ang short list kung asa nakabutang ang Supreme Court Associate Justice Teresita De Castro, Justice Diosdado Peralta ug Justice Lucas Bersamin.
Hinuon wala pa nadawat personal ni Pangulong Rodrigo Duterte ang listahan tungod anaa ang pangulo sa Davao City.
Nasayran nga ang tulo nga anaa sa short list sa JBC adunay giatubang nga empeachment complaint sa kongreso nga nag-ugat sa pagboto nila pabor sa Quo Warranto petition batok kang kanhing Chief Justice Ma. Lourdes Sereno.
