Giduso na sa Kamara ang sugyot nga pag-obliga pagoobliga sa mga employer nga maghatag ug 14th month pay sa mga empleyado, pribado man o pampublikong sektor.
Sa House Bill 8095 nga giduso nilang ni Kabayan Reps. Ron Salo ug Ciriaco Calalang, usa ka bulan nga sweldo ang 14th month pay nga dapat ihatag sa mga empleyado sa public ug private sector.
Ihatag ang 14th month pay ayha ang Novembre 30 aron dunay magamit ang mga empleyado sa kapaskuhan.
Segun sa mga kongresista, dako ang matabang sa 14th month pay alang sa uban pang mga galastuhan sa matag pamilya tungod sagad kulang ang ginadawatan sa mga empleyado kung 13th month pay lamang ang saligan.
Higayon nga hingpit nga mahimong balaod ang 14th month pay ihatag kini sa tanang mamumuo unsa man ang ilang status sa trabaho, permanente man o casual, contractual, co-terminus o naka job order.
