Wala na gikakurat sa Palasyo sa Malacañang ang pagpagawas sa Estados Unidos ug travel warning alang sa ilang katawhan nga nia karon sa nasud Pilipinas nga mag-amping sa bisag unsang habad sa seguridad ug bahad sa terorismo ug kagubot.
Human sa pagbusikad sa Cotabato City niadotng Bisperas sa bag-ong tuig nagpagawas ang Estados Unidos, United Kingdom, Canada ug uban pang nasud ug travel advisory sa Pilipinas kung asa ilang gipaamping ang ilang katawhan batok sa bahad sa terorismo ug likayan nga mahidangat sa Mindanao.
Sumala kang Chief Presidential Legal Counsel ug Presidential Spokesman Secretary Salvador Panelo, normal lang matud pa ang gihimo sa mga nasud nga pagpagawas ug travel advisory tungod kinahanglan sab nilang depensahan ang segruidad sa ilang katawhan.
Dili usab kini angayang ikalain ug buot tungod katungod kini sa usa ka nasud hilabi na nga aduna silay mga kababayan nga ania sa pilipinas.
Apan gihingusgan ni Panelo nga nagtuo sila sa nahimong pahayag ni Defense Secretary Delfin Lorenzana nga luwas nga mobyahe sa Mindanao.
Kahinumduman nga padayon pa karon nga ginapatuman ang martial law sa minadanao.
