Davao City – Nagtapok ang mga maestra sa may Centennial Park, Davao City atol sa opening salvo sa World Teacher’s Month gahapong adlawa ug dungan niini ang ilang panawagan nga usbaw sa ilang mga sweldo.
Sumala ni Alliance of Concerned Teachers (ACT-Davao Chapter) President Reynaldo Pardillo nga buot nilang mahatagan og pagtagad sa gobyerno kining padayon nilang pangamuyo.
“Aduna kitay gitawag nga pangamuyo o request sa lokal nga panggamhanan unta ugma damlag nga matutukan kining salary augmentation sa mga teachers.
Hangyo sa ACT nga patas-an ang sweldo sa mga Entry Level Teachers o Teacher’s 1 sa P30,000, P40,000 alang sa Instruction 1 ug P16,000 sa mga Non-Teaching DepEd Personnel.
Dugang niini ang gipangayo usab nila nga usa ka sakong bugas kada tulo ka bulan ug P2,000 nga allowance kada bulan.
Matud ni Pardillo nga ilang gikalipay ang positibong tubag ni Davao City Mayor Inday Sara-Duterte Carpio nga mapangitaan og pamaagi ang ilang panawagan.
Samtang atol sa Commemoration sa Roxas Night Market Bombing gisulti sa alkalde nga paningkamutan sa lokal nga panggamhanan nga matabangan ang mga magtutudlo.
“We are not allowed from the Special Education Fund to give allowances sa atong mga teachers, the best that we can do for them is that we can ask the City Legal Office to explore other options kung unsa ang nga tabang nga pweding mahatag sa ila that is allowed by the use of the Special Education Fund,” matud sa mayor.
RadyoMaN Aimee Guinita
