General Santos City–Pormal nang gisugdan ang tulo ka adlaw nga National youth Anti drug advocates camp sa syudad sa Gensan parikular nga gipahigayon sa Jose Catolico Sr. Elementary School nga gitambungan ug gatusan ka mga estudyante sa syudad sa Gensan.
Gipangunahan ni Col. Ricardo Santiago ang incoming Deputy Director General For Administration sa PDEA isip lead agency sa maong aktibidad inubanan sa Boyscout Of The Philippines, General Santos City Police Office, Deped, JTF Gensan ug LGU Gensan.
Sumala pa ni Col. Santiago nga mao kini ang pinakauna nga National youth Anti drug advocates camp sa Mindanao ug ikaduha sa Pilipinas kung asa target matud pa nila ang mga kabatan-unan.
Tumong matud pa sa maong aktibidad mao ang pag-edukar sa mga kabataan samtang sayo pa kabahin sa kadaot nga makuha sa paggamit ug iligal nga droga ug kung unsaon nga kini malikayan.
Tabang usab matud pa nila kini sa mga ginikanan nga dili kanunay mabantayan ang ilahang mga anak hilabi na kung anaa sa sa gawas sa ilang panimalay ang ilang mga anak.(Dave Silagan)
