Davao City – Mag-agad sa gimbut-an sa mga local chief executives ug katawhan ang rekomendasyon aron ipailawom sa martial law ang tibuok Pilipinas nunot niining mga insurgency-related-violence sama sa nahitabo sa Talomo syudad sa Davao ug uban pang mga lugar sa nasud karon.
Sumala ni Task Force Davao Commander Col.Nicolas Mempin, walay angayang kabalak-an kung ipailawom sa balaud-militar ang Pilipinas tungod kay lahi kini karon kung itandi kaniadto sa panahon ni kanhi Pres. Ferdinand Marcos.
Gipasabot usab ni Mempin nga sama dinhi sa Davao, hapsay ug maayo ang pagpatuman sa maong balaud hinungdang makalihuk ang mga opisyales sa kagamhanan pinaagi sa paghatag sa ilang serbisyo sa katawhan.
Hinoon gitataw niya nga wala pa sila makadawat ug report nga himoong nationwide kini bugtong dinhi pa lamang sa Mindanao.
RadyoMaN Bernard Pantallon
