BACOLOD CITY – Gin-tripan sang wala makilala nga suspek ang isa ka soltero nga nagatindog sa dalan kag nagahulat sang masakyan nga jeep kagab-i sa dalan Burgos-Lopez Jaena ukon sa Bangga Patyo, Bacolod City.
Nakilala ang biktima nga si Lorenz Camacho, 21 anyos ang edad, soltero kag pumuluyo sining ciudad.
Suno sa biktima nga may mga las 9 kagab-i, samtang nga ini siya ang nagahulat sang jeep sa Bangga Patyo, may nagpalapit sa iya nga tawo.
Pahayag ni Lorenz nga nakibot na lamang siya sang ini ang hinali nga gin-tripan sang suspek kag ginbuno.
Naigo sa iya wala nga butkon ang biktima gani dali-dali ini nga gindala sa Corazon Locsin Montelibano Memorial Regional Hospital./dyHB BACOLOD
Facebook Comments
