General Santos City–Gidala sa balay tambalanan partikular na sa Dr. Jorge P. Royeca Hospital ang biktima nga si Emelito Serdeña, 28 anyos, lumulupyo sa Lumbos, Barangay Calumpang ning syudad human nga gitripan sa wala nganling mga suspek.
Matud pa sa kabanay niini nga maoy nagdala kaniya sa balay tambalanan, mga alas12:50 ang takna sa gabie kagahapong adlawa, nag-inom kining biktima sa videokehan sa Lions Beach.
Natripan matud pa saw ala mailhing mga suspek ang biktima diin gibunalan ug baseball bat ang ulo niini.
Naka-angkon ang biktima ug samad sa ulo, gisi sa kilay ug samad usab sa iyang kamot.
Sa pagkakaron padayon gihapon ang pagpaalim sa biktima sa balay tambalanan samtang padayon pa ang gihimong imbistigasyon sa kapulisan aron masuta ang suspetsadong responsabli sa krimen. (Kit Elopre RMMC Intern)
(Photo from Web)
