General Santos City— Anaa karon sa talandugon nga kahimtang ang usa ka tricycle driver nga naila sa pangalang si Chris Manansala nga taga phase 2, Gensanville, Barangay Bula, Gensan, human natumbahan ug punuan sa lubi alas 11:30 kaganinang buntag.
Basi sa impormasyon gikan sa Bureau of Fire Protection Gensan, kansa usa sa mga mirescue sa tricycle driver sa lugar, sakto gyud pag-agi sa biktima nga sakay sa iyang gimanihuang tricycle natumba ang punuan sa lubi.
Iyang gilikayan ang usa ka punuan sa lubi nga unang natumba apan wala gyud kini makalingkawas sa ikaduhang punuan nga nahagsa diin nabusdakan gyud ang tricycle nga gisakyan niini.
Samad sa ulo ang naangkon sa biktima kansa daling gidala sa ospital human sa insidenti.
Nasayran nga guba usab ang unahan nga bahin sa tricycle sa biktima gumikan sa hilabihan nga impact sa pagkahagsa sa punuan sa lubi.
(Photo credit: John Gervise)
