Navotas City, nagbukas pa ng ikalawang isolation facility para sa mga magkakasakit ng COVID-19

Nagdagdag pa ng community isolation facility ang lokal na pamahalaan ng Navotas para sa mga residenteng magkakasakit ng COVID-19.

Itinalaga sa Navotas Polytechnic College ang pangalawang isolation facility na may 110 bed capacity.

Iginiit ng Navotas City ang kahalagahan ng pagkakaroon ng isolation facility upang maiwasan ang hawaan ng mga pasyente at sa pamilya o mga kasama sa tahanan.

Mayroon na ring naunang isolation facility ang lungsod na nasa Navotas National High School na may 100 bed capacity.