Opisyal nang tapos ang pamamalagi ni Carmelo Anthony sa Houston Rockets!
Pormal na kasing inihayag ng Rockets na hindi na maglalaro sa kanila ang 10-time All Star.
Tumagal lamang ng sampung laro ang career ni Anthony sa koponan.
Mas matagal pa ang mga ispekulasyon noon na lilipat ito sa Rockets matapos iwanan ang Oklahoma City Thunder at ang buy-out nito sa Atlanta Hawks para makapaglaro sa Houston.
May average na 13.4 points at 5.4 rebounds ang 34-anyos na si Anthony sa Houston.
May 4-6 win loss record ang Rockets habang nasa line-up si Anthony.
Ibinangko na ang player sa huling tatlong laro ng Rockets pagkatapos ng kaniyang one out of eleven shooting sa kanilang laban sa OKC kaya naging maugong na ang mga balita na aalisin na ito sa team.
Pero kahit inayawan na ng Houston mananatili pa rin sa roster ng koponan si Anthony.
