General Santos City–Nagpadayon sa pagdawat ug mga reklamo batok investment scheme ang buhatan sa NBI, CIDG ug mga Police Station kini ang gibutyag ni Rolando Gabriel ang Deputy Chief sa NBI-SARDO.
Matud ni Gabriel nga base sa derektiba sa DOJ ayha pa naghatag ug kamanduan si Presidente Duterte nga pa-undangon ang mga investment scheme nasabutan sa SEC, NBI, ug CIDG nga ang NBI ang motutok sa KAPA ug ALAMCCO samtang ang ubang Investment Scheme ang CIDG maoy motutok.
Gikumperma usab sa nahisgutan nga aduna silay nadawat nga impormasyon nga dunay mga investment scheme nga una nang nanirado ang subling mibalik sa pag dawat ug mga pay-in apan wala pay pay-out.
Samtang dako ang pagtuo ni Gabriel nga malabo naman usab nga makuha pa ang kwarta sa mga investor sa maong mga investment scheme tungod kay daghan nag gina-agian ang ilahang mga kwarta labaw sa tanan pulos pasalig nalang ang ginahimo sa mga investment scheme ug walay kasiguruhan nga mabalikpa ang ilang mga kwarta. (Dave Silagan)
