General Santos City–Padayon pang ginapangita sa otoridad ang uban pang mga nahilambigit sa investment scam dili lang ang mga nanguna sa KAPA Community International kundili ang tanang investment scam kung asa daghan ang nangailad.
Sumala kang Regner Pineza, labaw sa NBI-SARDO nga hulaton nga maaresto ang tanang adunay warrant aron nga masayran ang jurisdiction sa kaso.
Gipaniguro niya nga tanang kaso nga napasang-at sa Gensan sa tanang nahilambigit sa investment scam ang pabiling dunggon higayon nga madakpan ang mga nasangpit.
Dugang pamahayag ni Pineza nga sa karon gawas kang Pastor Joel Apolinario nga founder sa KAPA, wala pay ubang nanguna sa mga investment scam ang nadakpan.
Apan sa karon aduna nay mga warrant of arrest ang napagawas batok sa mga lider sa ALAMCO ug ubang investment.
Nauna na usab nilang na-forward sa uban pang unit ang kopya sa maong mga warrant aron nga higayon nga anaa sa ilang area ang mga nasangpit mas dali nga sila madakpan.(LVR)
