NBI MAGAHIMO IT IMBESTIGASYON SA PAGPATAY SA DATING SB MEMBER IT MALINAO

20

Kalibo, Aklan – Magahimo it imbestigasyon ro National Bureau of Investigation NBI sa pagpatay kay
former Malinao Sangguniang Bayan member John Rondario. Ging kunpirmar mismo raya it Malinao PNP.
Suno kay PSMSgt. Eriberto Icayan, ro pag imbestigar it NBI sa nasambit nga kaso hay andang
ginapasaeamatan bangud may kabulig eon ro Malinao PNP sa pag solbar ko pagpatay kay Rondario.
Kon matandaan, halin sa inuman kaibahan ro anang mga barkada sa bueangan it Malinao nga
nahamtang sa barangay San Ramon si Rondario. Pauli eon sakay it motorsiklo tag imaw hay barilon it
riding in tandem alas 9:45 ro oras it gabii ko Enero 25, 2020 sa karsadahon nga sakop it sitio Baid,
barangay San Roque, Malinao, Aklan.
Naka recover sa crime scene ro Malinao PNP it 4 ka mga basiwo it caliber .45 pero hasta sa makaron
owa pa sanda it opisyal nga pag pahayag angot sa motibo, identity it mga suspects ag mastermind sa
nasambit nga krimen.
Ging kunpirmar pa gid it Malinao PNP nga sa makaron may pagabatunon nga 150 thousand pesos nga
reward kon sin-o man ro makatao it inpormasyon sa Malinao PNP ag NBI paagto sa kasolbaran it rayang
kaso…

Facebook Comments