Gikumpirma karon ni National Bureau of Investigation (NBI) Director Dante Gierran nga si Karen Aisha Hamidon adunay kalambigitan sa pagpang-recruit sa mga foreign militants ug mga jihadists aron moabin kun mo-uban sa grupong Maute sa Marawi City.
Sa pakighinabi kaniya sa media, gisugilon ni Gierran nga si Hamidon usaka Pinay nga gituhuang recruiter alang sa Islamic State of Iraq and Syria (ISIS) base sa iyang mga posting sa Telegram Messenger mobile application posts niini nga nag-awhag sa mga foreign extremists nga motabang sa gyera sa Maute batok kasundaluhan.
Si Hamidon tubong Zamboanga City ug gikatahong kapikas sa usaka alyas ‘Tokboy’ kinsa nasikop sa mga awtoridad sa Sarangani nga na-link sa Roxas bombing incident niadtong 2016.
Si Hamidon malagmit mag-atubang ug mga kasong ‘inciting to rebellion’ ug ‘rebellion proper’ gumikan niining mga asunto kaniya.
Siya gikonsidera usab nga ‘person of interest’ gumikan sa alegasyong nagapang-recruit ug jihadist fighters gikan sa India ug involvement sa US Embassy bombing attempt ning labing ulahi.
RadyoMan June Duterte
