Davao City – Gi-inquest kagahapong adlawa sa korte (October 26, 2022) ang giingong pekeng doktor ug iyang staff nga nadakpan sa entrapment operation sa National Bureau of Investigation kun NBI XI.
Sa pakighinabi sa DXDC RMN Davao kang Juhary Guro, Investigation Agent 3 sa NBI XI, ang duha ka suspek nga wala pa gipanganlan mag-atubang og kasong kalapasan sa Republic Act 9711 kun violation of Food and Drug Administration (FDA) tungod sa pagbaligya og produktong pang paputi ug pang-paturok nga wala marehistro sa FDA.
Gidugang ni Guro, taud-taud na usab kining ginapanid-an sa mga sakop NBI-Xl nga nagabaligya ug peke nga produkto.
“Sa public, before kayo magpaturok nang mga (Gluta) drip-drip na yan, know the legitimacy ng product…,” saysay ni Guro.
RadyoMaN Don Pulayao
Facebook Comments
