Davao City – Wala gipanumbaling sa Bureau of Fire Protection (BFP-XI) ang posibilidad nga tinuyuan ang kadali nga nahitabong sunog sa 4th floor sa NCCC Mall sa may Buhangin ning syudad alas-12:45 sa kadlawon kagahapong adlawa.
Sumala ni SFO2 Ramil Gillado, Deputy Chief for Investigation and Intelligence Section sa Davao City Fire District nga alang sa dugang imbestigasyon, ipatawag nila ang trabahanteng on duty niadtong tungora.
Nasayran nga dunay nag aso sa Cinema sa 4th floor sa maong gambalay nga daling girespondehan sa kabomberohan ug gideklarang fire out ala-1:50 sa kadlawon.
Hinuon wala nay customers niadtong tungora ug luwas usab ang mga empleyadong anaa sa sulod samtang adunay natalang nasunog nga speaker ug carpet sa maong insidente.
Sa karon, balik normal na ang operasyon sa NCCC Mall Buhangin sumala ni NCCC Corporate Communication officer Thea Septannn Padua ug nakigkoordinar usab sila sa BFP-XI aron masuta ang hinungdan sa sunog.
Kahinumduman nga nasunog niadtong Disyembre 2017 ang NCCC Mall Matina ning syudad nga gikamatay sa 38 ka mga tawo busa alerto karon ang NCCC Management.
RadyoMaN Renz Barbarona
