Josefina, Zamboanga del Sur – Gidakop sa kapolisan ang lima ka lalaki nga nalingaw sa pagdula og hantak sa Brgy. Upper Bagong Tudela, sakop sa lungsod sa Josefina, Zamboanga del Sur alas 4:00 kagahapon sa hapon.
Ang nasikop mao sila si Dionante Oling, 38 anyos , residente sa Bonifacio, Misamis, Occidental, Arthur Alarcon, 57 anyos, lumulupyo sa Brgy. Nemeno, Josefina, Jelter Hinalas 39 anyos, taga-Brgy Simata, Molave, Renie Leonardo 49 anyos, lumulupyo sa Brgy Leonardo, Josefina, ug Harold Liwagon, 23 anyos lumulupyo sa Brgy Delusom, Mahayag, Zamboanga del Sur.
Sa report nga nahipos sa RMN DXPR Pagadian gikan sa Josefina PNP nga nasakpan nila sa akto ang lima nga nagpustaanay sa hantak maong ilang gipangdakop.
Nakuha gikan sa posisyon sa mga dinakpan ang pusta nga mobalor sa P 1,350.
