Davao City – Nasayran nga gikinahanglan gayod nga mailisan na ang mga karaang airconditioning unit system sulod sa NCCC-VP o kanhi Victoria Plaza kinsa anaa na sa 27 katuig.
Sa interbyu sa RMN Davao kang Curtis Lazarraga- City Health Office Sanitation Division chief nga subay sa gihimong technical conference sa management saNCCC ug sa mga empleyado aron temporaryong maalibyuhan ang problema sa kaigang sa mall magdugang og airconditioning sa department store.
Matud ni Lazarraga kung aduna may mga empleyadong nakabaton og sakit gumikan sa kakulangon sa proper air ventilation angay musumite og medical reports sa CHO aron suportahan ang ilahang mga mulo.
Subay sa gipasa nga site report gikan sa 3rd Party nga gi-hire sa NCCC ngadto sa CHO gikinahanglan na nga ayuhon ang mga depektibo mechanical systems, plumbing, fire systems ug partikular na ang gipangreklamong mga aircons nga gikanahanglang isarado gayod ang establisyemento segun ni Lazarraga.
“Ang gusto sa NCCC is to repair everything in one grand repair, to do that you will have to stop the operations there or close the mall literally unya kay muabot man og 6-7 months. So, mura’g win-win situation oh sige kay ang request is one airconditioning unit para lang mabugnawan sila,” matud ni Lazarraga.
Matud ni Lazarraga gisugyot usab sa Department of Labor and Employment XI nga adunay shifting o makapahulay ang empleyado sulod sa ilahang working hours aron dili kini mababad gibating kaigang sa maong mall.
RadyoMaN Aimee Guinita
