Davao City – Kung ang hisgutan pagpangandam ug preparasyon alang sa pagresponde sa bisan unsang kalamidad nga muigo dinhi sa siyudad sa Dabaw.
Gipasigarbo karon sa Davao City Disaster Risk Reduction and Management Council (DCDRRMC) nga andam na ang siyudad sa dabaw sa tanang matang sa kalamidad nga mukuso-kuso dinhi.
Matud ni DCDRRMC Operation Head Rodrigo Bustillo nga andam na ang ilang buhatan sa pagresponde sa mga kalamidad nga mahitabo sa dakbayan sa Dabaw.
Segun ni Bustillo, dili lang hitsas sa kagamitan ang lokal nga kagamhanan apan plastada na usab ang disaster plan sama sa emergency contingency sarang magamit panahon sa bagyo, linog, ug uban pa.
Aduna usay nakamontar na nga emergency siren sa pipila ka barangay nga maoy muhatag og warning sa mga tawo kun angayan na bang silang maghikling gikan sa ilang mga pinuy-anan tungod sa kalamidad.
Dugang ni Bustillo nga dunay igong ihap sa mga first responders ang dakbayan kansang hitsas sa kahibalo ug pabansay sa pagluwas sa mga tawo nga maipit sa kalamidad sama sa baha.
Giingon sa opisyal nga ready kanunay ang National Disaster, Regional Disaster, City ug Municipal Disaster Teams ugaling magdungan ang tanang klase sa kalamidad sa pag-igo dinhi sa dakbayan.
Aduna usab silay gihimo nga sistema aron paspas mapaabot sa mga barangay ang pagpaabot sa kasayuran aron pahimangnoan ang katawhan sa umaabot nga kalamidad.
RadyoMaN Joel Viray
