Needed: Strong educational program

30

Davao City- Gikinahanglang pakusgan pa sa gobyerno ang mga educational programs niini aron sa ingon, mapabarug nato ang usaka highly-effective educational system sa nasud.

Matud ni Councilor Jessica Bonguyan, chairperson sa Committee on Information and Technology sa 19th City Council, nakita niya nga grabe gayud ka suportado sa gobyerno ang sports development apan angay dili hikalimtan ang uban pang mga prayoridad nga angay lamang hatagan og igong pagtagad.

Gibutyag ni Bonguyan nga ubos sa iyang komitiba, aduna siya’y planong himuong mas accessible ang edukasyon gamit ang teknolohiya ug prayoridad ang mga anaa sa mga remote areas sa Davao City.

“High-tech man gud kaayo ang sa gawas, grabe sila ka advance, diha siguro nabiyaan ang Pilipinas. As IT chairperson, mao na ang atong ginaduso nga dinhi sa Davao, mas mag-advance ang technology dinhi para makatabang sa education sa mga bata, puhon naa tay mga plano para mas dali sa atong mga bata ang pag-study, makipagpartner ‘ta sa Tech for Ed program,” matud sa konsehala.

Gani, gikalipay niini ang daghang mga nakapasar sa bag-ohay lamang gi-release nga exam results sa Licensure Examination for Teachers (LET).

“Hopefully, mao ni sila ang makatabang aron munindot ang atong educational system,” panapos ni Bonguyan.

RadyoMaN Aimee Guinita




Facebook Comments